Top Girls

Actuación que pode considerarse unha obra feminista cunha forte crítica á sociedade patriarcal, a non aceptación do rol que a muller desempeña na sociedade actual; pero tamén unha obra política, onde se poñen en cuestión as medidas neolilberais que moitos gobernos de países occidentais levaron a cabo a partir dos anos oitenta e que aínda perviven nos nosos días, que provocaron desiguladades sociais e desigualdades no reparto da riqueza. Pero fundamentalmente é unha obra que fala das relación humanas, de comportamentos ós que nos vemos obrigados ou que nós mesmos buscamos, nunha sociedade que está organizada baixo as regras e as leis do mercado e na que para triunfar e avanzar na mesma tes que aceptar determiandos roles de conducta.