Lección maxistral.de Cesare Segre.

Tras entrar no salón nobre de Fonseca de mans da súa madriña e da secretaria xeral da USC, o filólogo italiano Cesare Segre desenvolve a súa lección maxistral como discurso de entrada na relación de doutores honoris causa da nosa universidade. Cunha pausa e claridade propia de alguén que trata con xeito á lingua, Segre fai un repaso da historia das linguas románicas, fala da relación especial que ten, dende fai anos, coa xente da nosa institución académica. O contido do seu discurso, feito integramente en galego, trata ás raices dos nosos idiomas, da situación actual destas linguas románicas e remarca a ausencia de sensibilidade polo pasado nos tempos actuais dentro das ciencias humanas. Amosa a súa visión do modus operandi necesario para a preservación e unión de todalas linguas romances nunha unidade de avance cara o futuro, fala de instrumentos e métodos que deben ser aplicados para levar á cultura que estas linguas abarcan a bo porto.