Presentación e intervención de Diego Mojón Álvarez

O reitor da USC, Juan Viaño Rey, é o encargado de abrir o acto cunha presentación breve do motivo desta reunión e dos persoeiros que o acompañan na mesa oficial deste. O alumno, Diego Mojón Álvarez, en representación dos seus compañeiros fai un discurso vitalista sobre o futuro e sobre os retos que lles quedan a eles e ás vindeiras xeracións por diante. Fala das emocións e dos nervios nos estudios previos á selectividade. A labor dos profesores e a confianza no sistema educativo son sinalados por Diego como unha parte esencial do camiño da formación.