Matanza, de Roberto Salgueiro.

"Matanza", obra do director da Aula de Teatro da USC Roberto Salgueiro, é un reflexo dunha sociedade consumista e chovinista, na que a xente só mira a súa xenialidade para sobrevivir por enrriba dos demáis. Os protagonistas da obra aparecen como porcos e descríbense coma porcos, o igual que falan da realidade que lles rodea con símiles das costumes destes animais. As personalidades dos dous irmáns son antitéticas, un sempre cunha voz lacónica laméntase da vida que vai a perder, mentres o outro agresivo e enoxado tan so quere disfrutar dunha última correría para morrer aliviado, afrontando a morte sen medo de perder a vida miserable que ten. As escatoloxías e insultos frecuentan todo o texto. No momento da morte os papeis dos protagonistas invírtinse, o duro chora desconsoladamente e o sensible mantén unha postura orgullosa e contestataria.