Bolonia, informar, formar e reformar

O Reitor da USC antes de centrarse no seu discurso, adica unhas verbas de recoñecemento á traxectoria de creación do Campus de Lugo, lembra tamén a traxectoria profesional de Álvaro Rodríguez Eiras, presidente do Grupo Aresa, do que destaca, ademáis do seu apoio a esta institución, a súa relevancia dentro do tecido empresarial lugués. O Reitor centra o seu discurso no Espazo Europeo de Educación Superior (EEES) ó que defendeu contra os seus detractores porque supón "a clonación do sistema de educación superior no conxunto dos países de Europa". Engadiu que "harmonizar a organización da educación superior non quere dicir replicar, non se trata de que os estudos deban ser idénticos nos distintos países senón que sexan lexibles, comparables e compatibles". Lembra que estes cambios nos que está inmersa a USC non significan privatizar, senón que, por exempo e por primeira vez, "no sistema universitario español será posible estudiar un máster a prezos públicos e non de mercado". Despois dun extenso percorrido polas implicacións que terá o EEES, rematou insistindo na necesidade da implicación de todos os membros da comunidade universitaria neste importante cambio.