Discurso do Reitor da USC

O Reitor afirma que a concesión da Medalla Mecenas á Fundación Barrié, unha das máis importantes de Europa polo seu patrimonio e traxectoria, quere reafirmar a importante contribución feita pola Fundación a prol da USC no ámbito das infraestructuras, a conservación do patrimonio histórico e artístico, os servizos, o apoio á docencia, e a investigación ou a cultura. A través da Fundación, proseguiu o Reitor, don pedro Barrié de la Maza quixo loitar polo progreso económico, social e cultural de Galicia, dende unha perspectiva global e facelo para sempre. Cunha visión certamente adiantada do seu tempo, os obxectivos da Fundación insisten en promover, fomentar e soster a investigación. Xustamente, a promoción da investigación cobra, segundo Barro, un papel de necesidade se queremos apostar polo progreso económico e social de Galicia. Neste senso, apelou o Reitor por empeñarnos en sernos donos plenipotenciarios da nosa riqueza natural e humana e poder así posuir o noso futuro.