Acto Institucional do Día das Letras Galegas 2021. Dna. Xela Arias

O acto institucional co gallo do Día das Letras Galegas 2021 serviu para reivindicar na Universidade os “trazos de disidencia, iconoclastia e modernidade” que perfilaron a obra da escritora, editora, docente e tradutora Xela Arias. La profesora Chus Nogueira repasou a traxectoria da autora homenaxeada. O Salón Nobre do Colexio de Fonseca foi o lugar no que a USC rendeu tributo este mércores 26 de maio a esta “muller transgresora e comprometida, insubmisa e desconforme, radicalmente independente e sobre todo esmagadoramente honesta”, en palabras do director do Departamento de Filoloxía Galega, Francisco Cidrás, quen interveu no acto para presentar o libro Xela Arias. A literatura e a vida, por elección, editado polo Servizo de Publicacións e Intercambio Científico da Universidade e co que a USC afonda na figura de Xela Arias. Nesta liña, o reitor Antonio López salientou que esta é a achega da Universidade xa que a “A USC non podía faltar ao seu compromiso co Día das Letras Galegas”. A lectura de textos poéticos da homenaxeada por estudantes do Grao en Lingua e Literatura galegas da USC, nutriu un acto cuxo colofón correu a cargo do músico Fernando Abreu, grazas a un recital musical que contou con gravacións da voz de Xela Arias, recitando poemas de Intempériome e realizas polo propio Abreu. Este traballo acabaría converténdose nun dos últimos rexistros sonoros da autora.