Apertura do Acto e entrega das Insignias Fonseca

Un total de 313 integrantes do cadro de persoal da USC recibiron este xoves 22 a imposición da Insignia Fonseca coa que a Universidade recoñece as traballadoras e traballadores que prestaron servizos á institución universitaria, durante máis de 30 anos en dedicación exclusiva ou por tempo equivalente a ela. O acto institucional presidido polo reitor Antonio López e que se desenvolveu no Pazo de Congresos e Exposicións de Galicia serviu para outorgar as Insignias correspondentes aos cursos 2019-2020, 2020-2021 e 2022-2023. Manuel Boquete Botana interveu en nome do Persoal de Administración e Servizos da USC, mentres que Emilio V. Carral Vilariño e Dolores Vilavedra Fernández fixérono en representación do profesorado dos campus de Lugo e Santiago. Este ano reciben a insignia o reitor D. Antonio López, a Secretaria Xeral Mª Dulce García Mella e o Xerente D. Javier Ferreira.