Presentación do acto "O pensamento evolutivo de Nóvoa Santos".

Elías Torres Feijó fai a presentación do acto e da celebración do Ano Darwin 2009, unha serie de actos o longo do curso académico dentro da Universidade de Santiago de Compostela. Tamén expón os agradecementos os responsables de levar a organización deste aniversario e por suposto os persoeiros presentes neste primeiro acto, dende o decano da falcultade onde se celebra o acto ata o conferenciante Thomas Glick. Toma a palabra o decano da facultade de mediciña, Jose María Fraga Bermúdez, para facer, acompañado dunha presentación dixital, un repaso pola biografía e polos traballos científicos do protagonista, Thomas Glick. O científico estadounidense comeza a súa intervención facendo unha pequena broma sobre a súa garabata. Xa metido en materia comeza falando dun experimento de Lamarck, e das súas conclusións. Profundiza na figura de Darwin e no seu perfil revelador dentro dun mundo ocupado por naturalistas teolóxicos. Ademais de centrarse nas ideas aportadas polo científico británico o profesor Thomas Glick vai introducindo algúns nomes de persoeiros destacados en torno á polémica da evolución das especies. Pouco a pouco, entre distintas posturas xurdidas e pensadores que as expoñían, vaise achegando a Galicia e a Nóvoa Santos. Destaca a realidade relixiosa imperante na sociedade, debido a unha forte posición de poder por parte da igrexa católica. Na última parte da súa intervención fai unha extensa análise sobre os traballos e pensamentos de Nóvoa Santos. Na rolda de preguntas o público interven para subliñar novos puntos de vista e acordos e desacordos con respecto do exposto polos distintos poñentes. Estes últimos contestan xustificando e ampliando os seus puntos de vista.